Sugeng siang para siswa kelas IX A -.H
Dinten menika, para siswa kawiwitan materi enggal inggih menika Serat Wulangreh Pupuh Dhandhanggula. Materi ingkang sepindan njlentrehaken wos (isi) tembang Dhandhanggula.
Naming saderenge, sumangga para siswa saged nyerat materi wonten ngandhap menika wonten ing buku catetan nggih!
SERAT WULANGEREH PUPUH DHANDHANGGULA
Serat Wulangreh kaanggit dening Sri Susuhan Pakubuwana IV, serat wulangereh menika kadapuk saking kalih tembung, wulang tegese ajaran/piwulang, reh tegese kepemimpinan. Dados wos (isi) serat wulangreh inggih menika tembang-tembang kang nyariosaken bab ajaran/piwulang kang gegayutan kaliyan kepemimpinan.
Serat Wulangreh menika wonten 13 temban, inggih menika Dhandhanggula
(8 pada), Kinanthi (16 pada), Gambuh (17 pada), Pangkur (17 pada), Maskumambang
(34 pada), Megatruh (17 pada), Durma (12 pada), Wirangrong (27 pada), Pocung
(23 pada), Mijil (26 pada), Asmaradhana (28 pada), Sinom (33 pada), Girisa (25
pada).
Watake
tembang Dhandhanggula tembang Dhandhanggula nduweni watak luwes, manis. Mathuk
kanggo bebuka/pambuka medharake piwulang.
Tembang
Dhandhanggula nyariosake bab cara pados guru utawi wigatine wong nduweni ilmu
pengetahuan.
Pada
ing tembang Dhandhanggula sing njlentrehake cara pados guru sing bener ana ing
pada 4.
Paugerane tembang
- Guru lagu : tibane swara saben sagatra
- Guru wilangan : cacahe wanda (suku kata) saben sapada
- Guru gatra : cacahe larik/gatra (baris) saben sapada
Tembang Dhandhanggula pada 4
Lamun sira anggeguru kaki,
amiliha manungsa kang nyata,
ingkang becik martabate,
sarta kang wruh ing hukum,
kang ngibadah lan kang ngirangi,
sokor oleh wong tapa,
ingkang wus amungkul,
tan mikir pawewehing lyan,
iku pantes, sira guronana kaki,
sartane kawruhana.
Sawise nyerat materi kasebut, sumangga para siswa saged ningali video ing ngandhap!
Sawise ningali video mau, aja lali tugase digarap!
Komentar
Posting Komentar