TEMBANG DHANDHANGGULA

 TEMBANG DHANDHANGGULA

    Sugeng siang para siswa, dinten menika sinau bab "menelaah isi teks tembang Dhandhanggula", saderenge ningali video sumangga nyatet materi wonten buku catetan!

1.        Paugeran ( guru lagu, guru wilangan, guru gatra) Tembang Dhandhanggula

Guru Gatra : 10

Guru Lagu & Guru Wilangan : 10i, 10a, 8i, 7u, 9i, 7a, 6u, 8a, 12i, 7a

2.        Teks tembang Dhandhanggula Pada 4

DHANDHANGGULA

(Pada 4)

 

Lamun sira anggeguru kaki,

Amiliha manungsa kang nyata,

Ingkang becik martabate,

Sarta kang wruh ing hukum,

Kang ngibadah lan kang wirangi,

Sukur oleh wong tapa,

Ingkang wus amungkur,

Tan mikir paweweh ing lyan,

Iku pantes sira guronana kaki,

Sartane kawruhan.

 

3.        Isine tembang Dhandhanggula Pada 4

Gatra	Ukara
1	Nalika kowe (milih) guru.
2	Milihen manungsa kang (bener)
3	Sing becik (luhur budine)
4	Lan mangerti bab (hukum)
5	Kang ngibadah lan (ngurangi)
6	Sokor bisa oleh wong (ngibadah)
7	Kang wis (tenanan)
8	Sing ora mikir (walesan) saka wong liya
9	Iku pantes kowe (didadekake guru)
10	Lan uga bisa (ditiru)

Pitutur luhur ing tembang Dhandhanggula pada 4 Yen awakmu arep merguru, pilihen guru sing bener, luhur budine, mangerti hukum, seneng ngibadah lan prihatin. Becike maneh oleh wong sing sregep manembah marang Gusti lan ora mikir piwales saka wong liya. Wong kaya mangkono iki pantes didadekake guru lan ditiru.

Sawise nyatet materi kasebut, sumangga saged ningali video pembahasan materi!

MATERI WOSE TEMBANG DHANDHANGGULA